Parlanno ’e poesia
di Romano Rizzo
Nando Clemente
Nando Clemente, degno continuatore della poesia classica napoletana, è stato un uomo dotato di una raffinatissima sensibilità, che ha saputo infondere in tutte le sue liriche, sempre ispirate a valori eterni di cui fu valido custode.
Nacque a Napoli il 10 settembre del 1921 e si dedicò con grande passione all’attività di decoratore che, forse, già gli consentiva di coltivare ed esprimere il suo amore per la bellezza e la sua continua ricerca della perfezione. Come è accaduto a molti, pur essendo attratto dalla grande Poesia, iniziò a mettere su carta quello che il cuore gli dettava, solo in tarda età, e conservò, per lungo tempo, gelosamente, i suoi scritti. L’occasione di declamarli la ebbe quando decise di presentarsi ad una delle puntate de La Tavola rotonda dei poeti di ieri, di oggi e di domani, trasmissione che si proponeva anche di portare alla ribalta nuovi talenti ed era curata, su Radio Antenna Capri, da Lello Lupoli.
La sua esibizione ebbe un grande successo e gli fece comprendere che era giusto continuare per questa via. Cominciò a frequentare diversi salotti e, in seguito, divenne conduttore egli stesso di un programma di poesia molto seguito su un’altra emittente, da solo o in compagnia di Gennaro Autoriello. La sua grande amabilità e la semplicità furono le chiavi che ne consacrarono il successo e che salutarono il suo meritato ingresso nella èlite dei poeti di Napoli. Nel novembre del 1981 le edizioni 2000 di Napoli pubblicarono un volume delle sue poesie dal titolo “ ’E ppazzielle” con la dotta prefazione di Ottavio Nicolardi, che pose nel giusto risalto la peculiarità della poetica di Clemente, che riesce ad innestare, con grande naturalezza, nel genere classico le inconfondibili caratteristiche dei nostri tempi. Nicolardi aggiunse ancora che Nando Clemente ci regala sempre poesie pervase da una nuova forma di rassegnata tristezza, derivante dall’invecchiamento e dal conseguente isolamento. “ Ecco il marchio, il sigillo che Nando Clemente appone alle sue opere ed essendo, tale sigillo, personale e inconfondibile, diventa assai facile riconoscerne l’autore”.
Vincenzo Fasciglione mette in risalto la grande e non comune sensibilità del poeta, testimoniata anche dal fatto che, pur non avendo avuto figli, ne parla con toccanti accenti di commozione perché, come tutti i veri poeti, si immedesima negli altri e fa propri i loro sentimenti e le loro emozioni. Ne ricorda ancora la infinita bontà ed il grande senso dell’amicizia, qualità che lo fecero da tutti ritenere, oltre che un bravo poeta, una perla d’uomo.
Molto delicate, e spesso commoventi, sono anche le poesie che seguono e che spero riescano a dare l’idea della sua grandezza.
Cammenanno
di Nando Clemente
**
Nun te mmalincunì si ’e ffronne cadeno,
ncopp’a sta via sulagna e damm’’a mano
cammina a mme, quanto cchiù può vicino.
Fa cunto ca tenessemo vint’anne :
nun ridere, nun me sciupà stu suonno..
‘a povera ca ‘o viento ce ha menato :
pure accussì, si’ bella, pe st’uocchie mieje
tu si’ sempe chella d’’a primma vota
**
E si s’è fatta cchiù pesante
‘a via, fermammece nu poco,
cumpagna stanca mia
e fatte tenè mente :
tiene int’all’uocchie
‘a luce ‘e nu tramonto,
comme s’è fatto tarde
dint’a niente!
**
Ma nun ce sta tramonto
pe sti core,
che quanno ammore
è ammore..
nun scura notte cchiù
’E ppazzielle
di Nando Clemente
Ogge, mettenno a pposto ‘o mezzanino,
pe mmiez’’e ccose vecchie e ffore mana,
chelle ca nuje chiammammo scartapelle..
aggio truvato tre o quatto ppazzielle
‘e quanno’e figlie mieje, criaturelle,
steveno tutte quanto attuorno a mme…
Chesto penzavo, ‘ncopp’ô mezzanino,
cu sti ppazzielle ca tenevo ‘mmano,
mentre tenevo ‘o triemmolo ‘int’’e ggamme
e ‘o ppoco ‘affanno..E che vuò ffà ? È ll’età..
Me ne so’ sciso che astrignevo ‘mmano
nu treno piccerillo piccerillo…
tutto ammaccato. Cu ‘a pacienza mia,
cu ‘o martelluccio ll’aggio adderezzato.
Pe ‘ncopp’’o giravite, ‘a goccia d’uoglio
è ghiuta dint’’a molla.. E, mme credite ?
doppo trent’anne e cchiù chesta pazziella
s’è mmisa n’ata vota a ffunziunà…
E ccammenava..e stu remmore ‘e corda
scetava ‘ncapa a mme cchiù ‘e nu ricordo..
penzavo quann’’a sera, tutt’’e ssere,
lietto pe llietto ‘e ghievo a ccummiglià ;
nu vaso, ‘o segno ‘e croce, na preghiera :
mo penzate a ddurmì, bell’’e papà…
Se ne so’ ghiute, nun ‘e vveco maje.
Mo vanno ‘e pressa, teneno che ffà :
nun trovano nemmanco nu minuto,
..nu minuto..pe mme venì a truvà !
E cche vuò ffà ? mm’’a piglio a nomme ‘e Dio.
Chillo ca s’è ffermato mo..songh’io..
songh’io ca mo nun tengo niente ‘a ffà.
E cchest’è ‘a vita ! E, cu ‘e ppazzielle lloro,
cu sti ppazzielle, mo..pazzèa..papà !!!
Tramonto
di Nando Clemente
**
Te scri.vo e faccio ‘e te mille penziere:
è tantu tiempo ca...nun me rispunne..
I’ te vurrìa scurdà, ‘nce aggio pruvato..
ma tengo sulo a te ‘ncopp’a stu munno..
**
Ê vvote chiagno. E nun me metto scuorno
‘e te dì chesti ccose, anema mia;
ma tu, ca nun me scrive e ca nun tuorne,
tu ll’hê ‘a sapè ca moro ‘e pucundria !
**
Forse è fernuto ‘o tiempo ‘e chist’ammore:
« Tutto se scorda » dice na canzona,
ma tu vallo a cunvincere stu core…
trovala tu, si può, na scusa bbona !
**
Dille ca ‘o suonno bello dura poco
e ca te sì scetata primm’e mme…
Dille ca tutto tene nu tramonto
comm’a chest’ora, mentre scrivo a te..
**
Ma, poco fa, ll’urdemo raggio ‘e sole
‘ncopp’a sta scrivania s’è ‘ntrartenuto,
ha pazzìato cu ‘o ritratto tujo…,
è addeventato d’oro e se n’è ghiuto.
**
Stammo a Settembre, s’è accurciat’’o juorno..
Settembre…i’ dico e quanno vuò turnà?
I’ spero ancora, ma, si guardo attuorno,
cadeno ‘e ffronne, stanche ‘e t’aspettà..
**
Ah, si stasera ‘o viento me purtasse,
comm’a na fronna morta, ‘mbraccio a tte
e tu pe sempe st’uocchie me ‘nzerrasse
e po cercasse pace a Ddio pe mme !
………………………………………………
Scusa ‘a scrittura, ca me tremma ‘a mana;
‘ncopp’a sta scrivania ‘nce veco a stiente..
Me so’ scurdato pure ‘e appiccià ‘o llume..
Comm’è scurata notte… dint’a niente !!
(Febbraio 2020)
